Невроендокрин тумор на апендиксот кај педијатриски пациент - приказ на случај
ДОИ:
https://doi.org/10.3889/aph.2026.6624Клучни зборови:
Неуроендокрин тумор на апендикс, детска хирургија, лапароскопска апендектомија, карциноиден тумор, педијатриска онкологијаАпстракт
Невроендокрините тумори (НЕТ) претставуваат најчести неоплазми на апендиксот, но исклучително ретко се јавуваат во детска возраст. Се манифестираат со клиничка слика за акутен апендицит и најчесто се откриваат случајно при хистопатолошка анализа на отстранетиот апендикс. Навременото поставување на дијагнозата е од суштинско значење, бидејќи морфолошките и хистолошките карактеристики на туморот ги одредуваат понатамошниот третман и долгорочната прогноза. Во нашиот труд прикажуваме случај на 13–годишно девојче примено на нашата клиника со позитивни клинички и радиолошки знаци за акутен апендицит, предизвикан од опструкција со копролит, и придружна циста на десниот јајник. Беше направена лапароскопска апендектомија и цистектомија на јајникот, при тоа интраоперативно не се постави сомнение за постоење на малигна болест. Хистопатолошката анализа откри постоење на добро диференциран невроендокрин тумор со димензија од 1,5 см, локализиран во предел на дисталниот дел (врвот) на апендиксот. Туморот ги инфилтрира сите слоеви на апендикуларниот ѕид со зафаќање на серозата, но без присуство на лимфоваскуларна инвазија или екстензија во мезоапендиксот. Дијагнозата беше потврдена со имунохистохемиска анализа. Понатамошното лекување беше дефинирано врз основа на одлука на мултидисциплинарен онколошки конзилиум. По дванаесетмесечно следење, пациентката е без знаци за активна болест, рецидиви, метастатска дисеминација, постоперативни компликации или потреба од дополнителен третман. Во дискусијата се нагласува значењето на задолжителната хистопатолошка анализа на сите апендектомиски препарати; исто така се даваат и препораки за оптимален хируршки третман на невроендокрините тумори на апендикс кај деца, и тоа во зависност од големината на туморот и од присуството на хистолошки фактори на ризик. Кај тумори помали од 2 см, без високоризични карактеристики, апендектомијата вообичаено е доволна како единствен третман. Овој случај ја истакнува важноста на хистопатолошката анализа и мултидисциплинарниот пристап во третманот на невроендокрините тумори на апендиксот во педијатриската онколошка хирургија.
##plugins.generic.usageStats.downloads##
Референци
Jafari MD, Wren SM, Goldman CD. Pediatric appendiceal carcinoid tumors: evaluation and management. J Pediatr Surg. 2012;47(7):1377–1383. doi:10.1016/j.jpedsurg.2012.03.028
Gao T, Xu W. An unusual case of appendicitis due to appendiceal neuroendocrine tumor in a patient: a case report. Exp Ther Med. 2022;24:531. doi:10.3892/etm.2022.11458
Pawa N, Clift AK, Arasaradnam R, et al. Surgical management of neuroendocrine tumors of the appendix: a systematic review. Ann Surg Oncol. 2017;24(6):1537–1544. doi:10.1245/s10434-017-5838-6
Reta BK, Gebrecherkos YB, Gebremichael YL, et al. A case of well-differentiated neuroendocrine tumor of the appendix in a 14-year-old male adolescent clinically presented with features of acute appendicitis: a case report and literature review. Int J Surg Case Rep. 2025;132:111474. doi:10.1016/j.ijscr.2025.111474
Shapiro C, Bae D, Valusek P, et al. Incidental appendiceal carcinoid tumors in children: evaluation and treatment. J Surg Res. 2015;193(1):164–167. doi:10.1016/j.jss.2014.10.035
Simon CT, Ehrlich S, et al. Well-differentiated neuroendocrine tumors of the appendix in children and adolescents: a clinicopathologic study. Pediatr Dev Pathol. 2023;26(3):250–258. doi:10.1177/10935266221146001
Bittmann S. Highly differentiated neuroendocrine tumor of the appendix. Asian J Pediatr Res. 2024;14(11):1–7. doi:10.9734/ajpr/2024/v14i11396ult
O’Toole D, Grossman A, Gross D, et al. ENETS consensus guidelines for the management of patients with digestive neuroendocrine tumors: well-differentiated appendiceal neuroendocrine tumors. Neuroendocrinology. 2012;95(2):144–152. doi:10.1159/000335578
Duess JW, Lange A, Zeidler J, et al. Appendiceal carcinoids in children–prevalence, treatment and outcome in a large nationwide pediatric cohort. Medicina (Kaunas). 2022;59(1):80. doi:10.3390/medicina59010080
Navale P, Gonzalez RS. Well-differentiated neuroendocrine tumors of the appendix: diagnosis, differentials, and disease progression. Semin Diagn Pathol. 2024;41(5):236–242. doi:10.1053/j.semdp.2024.08.001
Преземања
Објавено
Како да се цитира
Издание
Секција
Дозвола
Авторско право(c) 2026 Lazo Jovcheski, Toni Risteski, Biljana Andonovska-Dokovska, Aleksandar Stepanovski, Sanja Gjorik, Slavica Litajkovska, Alen Dearovski, Andrijana Andreevska-Stepanovska

This work is licensed under a Creative Commons Attribution 4.0 International License.
All wrights are reserved.


