Реанимација и ургентни состојби во дентална медицина
ДОИ:
https://doi.org/10.3889/mmej.2026.6883Клучни зборови:
ургентни состојби, стоматолошка пракса, безбедност на пациентот, Basic Life Support (BLS), синкопа, анафилакса, хипогликемија, симулациска обука, итни интервенцииАпстракт
ВОВЕД: Ургентните и потенцијално животозагрозувачки состојби можат да се појават ненадејно и во секојдневната стоматолошка пракса. Навременото препознавање на состојбата, правилната иницијална проценка и брзото и организирано реагирање се од суштинско значење за безбедноста на пациентот. Целта на работилницата е преку интерактивен и симулациски пристап да им овозможи на стоматолозите да ги унапредат своите знаења, практични вештини и подготвеност за справување со итни состојби во стоматолошката ординација.
ТЕОРЕТСКИ ДЕЛ: Во теоретскиот дел ќе бидат презентирани основите на проценката и иницијалното менаџирање на пациентот во ургентни состојби, со посебен осврт на препознавањето и постапувањето при синкопа, анафилакса и хипогликемија. Ќе бидат разгледани современите алгоритми за Basic Life Support (BLS), принципите на навремено активирање на итната медицинска помош и правилната организација и координација на стоматолошкиот тим при итни ситуации.
ПРАКТИЧЕН ДЕЛ: Практичниот дел е насочен кон стекнување и унапредување на конкретни клинички вештини преку демонстрации, работа на модели и симулатори, интерактивни вежби во мали групи и реалистични клинички сценарија. Учесниците ќе практикуваат брза клиничка проценка, примена на BLS алгоритми, воспоставување периферен венски пристап, венепункција на модели, апликација на интрамускулна терапија и изведување основни итни интервенции во симулирани клинички услови. Посебен акцент ќе биде ставен на тимската работа, комуникацијата и донесувањето брзи и соодветни клинички одлуки.
ЗАКЛУЧОК: Интегрирањето на теоретското знаење со практична обука и симулација овозможува стоматолозите да развијат поголема сигурност и подготвеност за реагирање во ургентни ситуации. Стекнувањето на практични вештини за навремено препознавање и иницијално менаџирање на итните состојби придонесува кон поголема безбедност на пациентите и повисоко ниво на професионална подготвеност во секојдневната стоматолошка пракса.
##plugins.generic.usageStats.downloads##
Преземања
Објавено
Како да се цитира
Издание
Секција
Категории
Дозвола
Авторско право(c) 2026 Zhaklina Mencheva, Silvana Kraleva

This work is licensed under a Creative Commons Attribution-NonCommercial 4.0 International License.



