БИОЛОШКИ, МЕХАНИЧКИ И ЕСТЕТСКИ ПРИНЦИПИ НА СОВРЕМЕНАТА РЕСТАВРАЦИЈА НА ЕНДОДОНТСКИ ТРЕТИРАНИ ЗАБИ

Автори

  • Сашо Јовановски Универзитетска клиника за фиксна протетика, Катедра за стоматолошка протетика, Стоматолошки факултет, Универзитет „Св. Кирил и Методиј“, Скопје, Северна Македонија

ДОИ:

https://doi.org/10.3889/mmej.2026.6880

Клучни зборови:

ендодонтски третирани заби, постендодонтска реставрација, ferrule ефект, дентална керамика, фрактурна отпорност

Апстракт

ВОВЕД: Современите безметални фиксно-протетски конструкции и развојот на нови естетски материјали доведоа до значајни промени во постендодонтската реставрација. Посебен акцент се става на зачувување на преостанатата забна супстанца, биокомпатибилноста, функционалноста и високите естетски барања.

ЦЕЛ: Целта на ова предавање е да се прикажат современите клинички принципи за реставрација на ендодонтски третирани заби, со посебен осврт на биолошките, механичките и естетските аспекти на препарацијата.

МЕТОДИ: Ќе бидат презентирани различни современи припремни методи за реставрација на преостанатите забни структури, со акцент на минимално инвазивниот пристап и примената на дентална керамика. Посебно ќе биде прикажана ново дизајнирана препарација со внатрешна и надворешна стапалка, со цел создавање внатрешен и надворешен „ferrule“ ефект.

РЕЗУЛТАТИ: Соодветно дизајнираната препарација овозможува подобро зачувување на забната структура и создава механички услови за зголемена фрактурна отпорност на реставрацијата. Комбинираниот внатрешен и надворешен „ferrule“ ефект придонесува за зголемување на цврстината на целокупниот ендодонтски реставриран дентален комплекс и за подобра долгорочна клиничка стабилност.

ЗАКЛУЧОК: Успешната современа реставрација на ендодонтски третирани заби бара интегриран пристап што ги обединува биолошките, механичките и естетските принципи. Зачувувањето на преостанатата забна супстанца и правилниот дизајн на препарацијата се клучни за постигнување функционална, естетска и долготрајна реставрација.

##plugins.generic.usageStats.downloads##

##plugins.generic.usageStats.noStats##

Биографија на авторот

Сашо Јовановски, Универзитетска клиника за фиксна протетика, Катедра за стоматолошка протетика, Стоматолошки факултет, Универзитет „Св. Кирил и Методиј“, Скопје, Северна Македонија

Проф. д-р Сашо Јовановски е редовен професор на Стоматолошкиот факултет при Универзитетот „Св. Кирил и Методиј“ во Скопје и раководител на Универзитетската клиника за фиксна протетика. Специјалист е по стоматолошка протетика, магистер и доктор на стоматолошки науки, а постдокторските студии ги завршил на Медицинскиот факултет при Универзитетот во Љубљана.

Во текот на својата академска и стручна кариера остварил повеќе меѓународни престои и истражувачки ангажмани, меѓу кои на University of Medicine & Dentistry of New Jersey, САД, како и во Љубљана, Словенија, во рамки на меѓународни проекти за докторски и постдокторски истражувања.

Неговата научноистражувачка работа е насочена кон експерименталната и клиничката естетска дентална медицина, со посебен интерес за циркониум-оксидна керамика, титаниум и реставрација на ендодонтски третирани заби. Автор и коавтор е на повеќе од 150 научни и стручни трудови и публикации. Член е на повеќе национални и меѓународни професионални организации, меѓу кои IADR и FDI.

 

Објавено

2026-09-25

Како да се цитира

Јовановски, С. (2026). БИОЛОШКИ, МЕХАНИЧКИ И ЕСТЕТСКИ ПРИНЦИПИ НА СОВРЕМЕНАТА РЕСТАВРАЦИЈА НА ЕНДОДОНТСКИ ТРЕТИРАНИ ЗАБИ. Македонско медицинско електронско списание, 6(MIT-FDM2026), 25–26. https://doi.org/10.3889/mmej.2026.6880

Слични трудови

1 2 3 4 > >> 

Можете исто така да започнате напредно барање на сличности за овој труд.